नवी दिल्ली ( वृत्तसंस्था ) लष्कर-ए-तैयबाचा गुप्तचर प्रमुख आझम चीमा याचे वयाच्या 70 व्या वर्षी निधन झाले. पाकिस्तानातील फैसलाबाद येथे हृदयविकाराच्या झटक्याने त्याचे निधन झाले. अलिकडच्या काही महिन्यांत लष्कर-ए-तैयबाच्या अनेक दहशतवाद्यांच्या गूढ हत्यांच्या पार्श्वभूमीवर चीमाच्या मृत्यूच्या बातमीने पाकिस्तानमधील जिहादी वर्तुळांमध्ये नव नवे तर्क लावले जात आहेत.
मुंबई हल्ल्यासह भारताविरुद्ध अनेक मोठ्या दहशतवादी कटात चीमाचा सहभाग होता. इस्लामाबाद पाकिस्तानात त्याचे अस्तित्व नाकारत राहिले.गेल्या काही महिन्यांत पाकिस्तानात अनेक दहशतवादी संघटना लष्कर-ए-तैयबाचे अनेक दहशतवादी गूढ पद्धतीने मारले गेले आहेत. या हत्यांसाठी पाकिस्तानने भारतीय यंत्रणांना जबाबदार धरले आहे. मात्र भारताने असे दावे फेटाळून लावले आहेत. भारताने ठाम स्वरात म्हटले आहे की, त्यांनी कोणतीही हत्या यादी बनवली नाही.
दहशतवादी प्रशिक्षण केंद्रात जिहादींचे ब्रेनवॉश करण्यासाठी वापरले
गुप्तचर सूत्रांनी दिलेल्या माहितीनुसार, पंजाबी बोलणारा लांब दाढी असलेला चीमा याची ओळख पटली. तो लष्कर-ए-तैयबाच्या प्रमुख नेत्यांपैकी एक होता. चीमा 2000 च्या दशकाच्या सुरुवातीला पत्नी आणि दोन मुलांसह पाकिस्तानातील बहावलपूर येथे राहत होता.
असे म्हटले जाते की तो अनेकदा लँड क्रूझरमधून आपल्या 6 बॉडी गार्ड्ससोबत प्रवास करत असे. बहावलपूर कॅम्पमध्ये दहशतवादी प्रशिक्षण घेत असलेल्या जिहाद्यांचे ब्रेनवॉश करण्यासाठी आयएसआयचे माजी प्रमुख जनरल हमीद गुल, ब्रिगेडियर रियाझ आणि कर्नल रफिक यांना आणण्याची जबाबदारी चीमा याच्यावर होती.
