पुणे (प्रतिनिधी) : उच्च व तंत्र शिक्षण मंत्री चंद्रकांत पाटील यांच्या प्रमुख उपस्थित पुणे शहर कार्यालयात भाजपा उत्तर आणि दक्षिण भारतीय आघाडीच्या पदाधिकाऱ्यांची आढावा बैठक संपन्न झाली. यावेळी पुणे लोकसभेचे भाजपा-महायुतीचे उमेदवार मुरलीधर मोहोळ यांना निवडून आणण्यासाठी पुण्यातील स्थायिक उत्तर आणि दक्षिण भारतीय नागरिकांच्या आघाडीतील पदाधिकाऱ्यांनी योगदान द्यावे असे आवाहन यावेळी पाटील यांनी केले.
चंद्रकांत पाटील यांच्या उपस्थितीत आगामी निवडणूक काळात कार्यकर्ते आणि पदाधिकारी यांनी कशा पद्धतीने काम करावे याबाबत सविस्तर चर्चा करण्यात आली. याप्रसंगी सर्वांनी ताकदीने आणि मोठ्या मताधिक्याने भाजपा-महायुतीचाच उमेदवार निवडून आणण्याचा निश्चय केला.
या बैठकीला भाजपा-महायुतीचे अधिकृत उमेदवार मुरलीधर मोहोळ यांसह शहराचे सरचिटणीस.राहुल अप्पा भंडारे, पुनीत जोशी, राघवेंद्र बाप्पू मानकर, रवी साळेगावकर, उत्तर भारतीय आघाडी शहराचे अध्यक्ष सुरज दुबे, दक्षिण भारतीय आघाडी शहराचे अध्यक्ष राजू श्रीगिरी, लालजी मिश्रा, शहरातील उत्तर व दक्षिण भारतीय आघाडीचे प्रमुख पदाधिकारी उपस्थित होते.
