नवी दिल्ली ( वृत्तसंस्था ) दिल्ली-एनसीआरमध्ये गुरुवारी भूकंपाचे धक्के जाणवले. दिल्ली-एनसीआरसह संपूर्ण उत्तर भारतात याचा परिणाम जाणवत आहे. अफगाणिस्तानच्या हिंदुकुश भागात भूकंपाचा केंद्रबिंदू होता. 2.50 वाजता झालेल्या भूकंपाची तीव्रता रिश्टर स्केलवर 6.1 इतकी होती.
अफगाणिस्तानच्या भूकंपामुळे दिल्ली-एनसीआरमध्ये जोरदार धक्के जाणवले. दिल्लीशिवाय हरियाणा, पंजाब, जम्मू-काश्मीर, हिमाचल प्रदेश या राज्यांमध्येही पृथ्वी हादरली. सध्या भारतात कुठेही नुकसान झाल्याचे वृत्त नाही. नोएडा, गुरुग्राम आणि फरीदाबादच्या सोसायट्यांमधून लोक झटपट बाहेर आले. अद्याप नुकसान झाल्याचे वृत्त नाही ही दिलासादायक बाब आहे.
कॅनॉट प्लेसमधील एका इमारतीच्या 10 व्या मजल्यावर काम करणाऱ्या विकास मल्होत्रा यांनी सांगितले की, त्यांनी दुपारचे जेवण उरकले आणि पुन्हा काम सुरू करण्यासाठी खाली बसलो असताना अचानक सर्व काही हलल्याचे जाणवले. गेल्या काही महिन्यांत दिल्ली-एनसीआरमध्ये अनेक वेळा भूकंपाचे सौम्य धक्के जाणवले आहेत. दिल्ली भूकंपाच्या दृष्टीने अत्यंत संवेदनशील आहे. दिल्लीतील यमुनेच्या आसपासच्या क्षेत्राबाबत शास्त्रज्ञांनी अनेकदा चिंता व्यक्त केली आहे.
