गुजरात ( वृत्तसंस्था ) गुजरातला पुन्हा एकदा चक्रीवादळाचा धोका निर्माण झाला आहे. याबाबत भारतीय हवामान शुक्रवारी अधिसूचना दिली असून, त्यानुसार दक्षिण-पूर्व आणि नैऋत्य-पश्चिम अरबी समुद्रावर दाबाचे क्षेत्र विकसित झाले आहे. 21 ऑक्टोबरच्या सकाळपर्यंत त्याचे चक्रीवादळात रूपांतर होण्याची शक्यता आहे. ते गुजरातच्या किनारपट्टीकडे सरकण्याचीही शक्यता आहे.
हवामान खात्याने सविस्तररित्या जारी केलेल्या भारतीय हवामान बुलेटिनमध्ये म्हटले आहे की, नैऋत्य अरबी समुद्रात वादळ घोंघावते आहे. ते पुढील 24 तासांत त्याच प्रदेशात चक्रीवादळात बदलण्याची शक्यता आहे.
नैऋत्य आणि लगतच्या आग्नेय बंगालच्या उपसागरावर कमी दाबाचे क्षेत्र आहे. पश्चिम मध्य बंगालच्या उपसागरावरील दाबाचे क्षेत्र 22 ऑक्टोबरच्या सुमारास आणखी तीव्र होण्याची शक्यता आहे. त्यामुळे बंगालच्या उपसागरातून पूर्वेचा दाब पुढे सरकत आहे.
दक्षिण-पश्चिम अरबी समुद्रावर खोल कमी दाबाचे क्षेत्र तयार झाले आहे. ते पश्चिम-वायव्य दिशेने सरकण्याची शक्यता आहे. हवामानशास्त्रज्ञांचे म्हणणे आहे की, जर हे चक्री वादळ अधिक दाबाचे बनले तर याचा परिणाम म्हणून हिंदी महासागर क्षेत्रातील चक्रीवादळांच्या तुलनेत ‘तीव्र’ म्हटले जाईल. एकूणच, भारताच्या पूर्वेकडून पश्चिमेकडे किनारपट्टीच्या भागात हंगामी विस्कळीत होण्याची चिन्हे आहेत.
