चेन्नई ( प्रतिनिधी ) तामिळनाडूमध्ये मुसळधार पावसामुळे अनेक भागात पूरस्थिती निर्माण झाली असून जनजीवन विस्कळीत झाले आहे. राज्याच्या दक्षिण भागात मुसळधार पावसामुळे श्रीवैकुंटम रेल्वे स्थानकात सुमारे 500 प्रवासी अडकून पडले होते. राज्यात 30 तासांहून अधिक काळ संततधार पाऊस पडत आहे. अशा परिस्थितीत घरांमध्ये पाणी तुंबले आहे. अनेक पूल बुडाले आहेत.
मिळालेल्या माहितीनुसार, श्रीवैकुंटम रेल्वे स्थानकाला चारही बाजूंनी पाण्याने वेढले होते. रेल्वे रुळही खराब झाल्याने रेल्वे वाहतूक बंद करण्यात आली आहे. ट्रॅकची अवस्था अशी झाली की स्लॅब त्यांच्या जागेवरून घसरले आणि लोखंडी रुळाखालील माती वाहून गेली. अशा परिस्थितीत मदत आणि बचाव कार्यही थांबवावे लागले. मात्र, ते स्थानकावर पोहोचले असून सर्व प्रवासी सुरक्षित असल्याचे एनडीआरएफचे म्हणणे आहे.
मुसळधार पावसामुळे राज्यात 84 बोटी मदत आणि बचाव कार्यासाठी तैनात करण्यात आल्या आहेत. चार जिल्ह्यांमध्ये सार्वजनिक सुट्टी जाहीर करण्यात आली आहे. एका अधिकाऱ्याने दिलेल्या माहितीनुसार, श्रीवैकुंडम आणि कयालपट्टीम सारख्या भागातून 7500 हून अधिक लोकांना सुरक्षितपणे बाहेर काढण्यात आले आहे.
एनडीआरएफ आणि एसडीआरएफची टीम बचाव कार्यात गुंतली आहे. अशा स्थितीत गावांचा संपर्कही तुटला आहे. तमिळनाडूमध्ये अतिवृष्टीचा इशारा हवामान खात्याने आधीच दिला होता. पावसासोबतच थंडीची तीव्रताही वाढत आहे.
