टोप (प्रतिनिधी ) : हातकणंगले तालुक्यातील शिरोली पुलाची येथील दोन बंद घराचे कडी कोयंडा उचकटुन अज्ञात चोरट्यानी सोन्या चांदीच्या दागिन्यासह रोख रक्कमेस ३ लाख ८६ हजार मुददेमाल लांबवला हि घटना रविवारच्या मध्यरात्री मोरे गल्ली आणि जय शिवराय तालमी येथे घडली. तर हायवे लगत असणाऱ्या हॉटेलमध्येही चोरीचा प्रयत्न झाला. घटनास्थळी ठसे तज्ज्ञास श्वान पथकास पाचारण करण्यात आले होते.
शिरोली पोलिसांनी दिलेल्या माहितीनुसार, शिरोली येथील मोरे गल्लीत दत्तात्रय सूर्यवंशी हे आपल्या कुटुंबासह राहत होते. ते शुक्रवारी इस्लामपूर येथे आपल्या सासुरवाडीला कुटुंबासहित दोन दिवसांसाठी गेले असताना अज्ञात चोरट्यांनी त्यांच्या बंद घराचा कडी कोयंडा उचकटुन घरात घरातील ६० हजार किंमतीचे एक तोळा वजनाचे सोन्याचे गंठण, सोन्याच्या दोन अंगठया प्रत्येकी पाच ग्रॅम, किंमतीचा चांदीचा छल्ला, चांदीचे पैजण, दोन चांदीच्या अंगठया, चांदीचे कडे, सोन्याचे टॉप्स, तसेच २ लाख ३० हजारांची रक्कम चोरून नेली ही घटना रविवारी सकाळी सूर्यवंशी यांच्या घराशेजारील नागरिकाच्या लक्षात आली.
त्यांनी सुर्यवंशी कुटुंबीय आणि शिरोली पोलिसांना फोन करून घटनेबाबत माहिती देताच पोलिसांनी घटनास्थळी धाव घेवून श्वान पथक तसेच ठसे तज्ज्ञास पाचारण केले. मात्र, ही श्वाने सांगली फाट्यापर्यंत मार्ग दाखवला. तर गावातील जय शिवराय तालमीजवळ राहणाऱ्या मिनाक्षी स्वामी यांच्या बंद घराच्या दरवज्याचे कुलुप तोडून घरात प्रवेश करुन त्यांचे घरातील सोन्या-चांदीचे दागिने आणि रोख रक्कमेची देखील चोरी केली. तसेच पुणे-बेंगलोर राष्ट्रीय महामार्गालगत असणाऱ्या हॉटेल आमंत्रणचे कुलुप तोडुन चोरीचा प्रयत्न केला.
ही घटना रविवारी मध्यरात्री घडली असून या घटनेची नोंद शिरोली पोलिसात झाली आहे. याचा अधिक तपास सहाय्यक पोलीस निरीक्षक सुनील गायकवाड यांच्या मार्गदर्शनाखाली सहाय्यक पोलीस उपनिरीक्षक अमित पांडे, पो.हे.कॉ. एस एम संकपाळ करीत आहेत.
