कोल्हापूर (प्रतिनिधी) : कोल्हापुरातल्या शाहूपुरी सहावी गल्लीतील शांतीगिरी अपार्टमेंटमध्ये घराच्या दरवाजा कडीकोयंडा तोडून बेडरूममधील तिजोरीतील २ लाख ६२ हजार रुपये किंमतीच्या सोन्याच्या दागिन्यांवर चोरट्यांनी डल्ला मारला. याप्रकरणी स्नेहलकुमार निशिकांत सरनाईक (रा. शांतीगिरी अपार्टमेंट, शाहुपुरी) यांनी फिर्याद दिली आहे. या अज्ञात चोरट्याविरोधात शाहुपूरी पोलीस ठाण्यात गुन्हा दाखल करण्यात आला आहे.
