कोल्हापूर : जम्मू विद्यापीठ येथे सुरू असलेल्या अखिल भारतीय आंतरविद्यापीठ फेन्सिंग (तलवारबाजी) स्पर्धेत शिवाजी विद्यापीठाच्या पुरुष संघाने सेबर प्रकारात रौप्यपदक पटकावले. पदकविजेत्या तलवारबाजी संघामध्ये धनंजय जाधव, आदित्य अंगल, साहिल गुर्जर, ओम जनजाल यांचा समावेश आहे. तसेच संघ व्यवस्थापक आणि प्रशिक्षक म्हणून कॅप्टन डॉ. राहुल मगदूम, प्रफुल्ल धुमाळ काम पाहत आहेत.
