दिल्ली (प्रतिनिधी) : माजी उपपंतप्रधान आणि भाजपचे ज्येष्ठ नेते लालकृष्ण अडवाणी यांना आज राष्ट्रपती द्रौपदी मुर्मू यांच्या हस्ते ‘भारतरत्न’ पुरस्काराने सन्मानित करण्यात आले. राष्ट्रपती द्रौपदी मुर्मू यांनी अडवाणींच्या घरी जाऊन त्यांना देशातील सर्वोच्च नागरी पुरस्काराने सन्मानित केले. प्रकृती अस्वास्थ्यामुळे अडवाणी शनिवारी राष्ट्रपती भवनात आयोजित समारंभाला उपस्थित राहू शकले नव्हते.यावेळी पंतप्रधान नरेंद्र मोदीं, उपराष्ट्रपती जगदीप धनखर यांच्यासह अनेक नेते उपस्थित होते. फेब्रुवारी 2024 मध्ये अडवाणींना भारतरत्न देण्याची घोषणा झाली होती.
यावेळी अडवाणी म्हणाले की, आज मला मिळालेला भारतरत्न मी अत्यंत नम्रतेने आणि कृतज्ञतेने स्वीकारत आहे. हा केवळ एक व्यक्ती म्हणून माझ्यासाठीच नव्हे, तर मी आयुष्यभर माझ्या क्षमतेनुसार सेवा करण्याचा प्रयत्न केलेल्या आदर्श आणि तत्त्वांचाही सन्मान आहे. मी माझ्या कुटुंबातील सर्व सदस्यांना, विशेषत: माझ्या प्रिय दिवंगत पत्नी कमला यांच्याबद्दल माझ्या मनापासून भावना व्यक्त करतो. त्या माझ्या जीवनातील शक्ती आणि स्थिरतेचा सर्वात मोठा स्त्रोत राहिल्या. राष्ट्रपती द्रौपदी मुर्मू आणि पंतप्रधान नरेंद्र मोदी यांचेही आभार आहेत. आपला महान भारत देश महानतेच्या आणि वैभवाच्या शिखरावर जावो.
लालकृष्ण अडवाणी यांचा जन्म कराचीमध्ये ८ नोव्हेंबर १९२७ झाला आणि भारताच्या फाळणीच्या वेळी ते भारतात स्थलांतरित झाले आणि मुंबईत स्थायिक झाले जिथे त्यांनी महाविद्यालयीन शिक्षण पूर्ण केले. 1941 मध्ये वयाच्या चौदाव्या वर्षी अडवाणी RSS मध्ये सामील झाले आणि राजस्थान प्रचारक म्हणून काम केले.अडवाणी यांनी २००२ ते २००४ पर्यंत भारताचे ७ वे उपपंतप्रधान म्हणून काम केले.
ते भारतीय जनता पक्षाचे (भाजप) सह-संस्थापक आणि राष्ट्रीय स्वयंसेवक सदस्य आहेत. संघ (RSS) ही उजव्या विचारसरणीची हिंदू राष्ट्रवादी स्वयंसेवक संघटना आहे. 1998 ते 2004 या काळात ते सर्वाधिक काळ गृहमंत्री राहिलेले आहेत. ते लोकसभेत सर्वाधिक काळ विरोधी पक्षनेतेपद भूषवणारे आहेत. 2009 च्या सार्वत्रिक निवडणुकीत ते भाजपचे पंतप्रधानपदाचे उमेदवार होते.
