आता सर्वत्र पावसाळा सुरु झाला आहे. त्यामुळे सर्वांना या पावसाच्या दिवशी कुठे ना कुठे बाहेर थंड हवेच्या ठिकाणी जायचे असते. आज आपण अशाच एका महाराष्ट्रातील सह्याद्रीच्या पर्वतरांगेत वसलेलं सुंदर हिल स्टेशन विषयी जाणून घेणार आहोत…
![](https://livemarathi.in/wp-content/uploads/2024/06/m_Panchgani_2_l_800_1200-1024x683.avif)
पाचगणी महाराष्ट्रातील सातारा जिल्ह्यातील थंड हवेचे ठिकाण… जवळपास महाबळेश्वर इतकेच उंच असलेले आणखी एक थंड हवेचे ठिकाण महाबळेश्वरपासून हे ठिकाण अवघ्या १८-२० कि. मी. अंतरावर आहे.
![](https://livemarathi.in/wp-content/uploads/2024/06/m_Kates-Point-1_l_392_523.avif)
महाबळेश्वर इतकेच निसर्गसुंदर असलेले हे ठिकाण येथील पब्लिक स्कूल्ससाठी खूप प्रसिद्ध आहे. जुन्या काळात येथे पारशी लोकांनी बांधलेले बंगले आजही लक्ष वेधून घेतात.
![](https://livemarathi.in/wp-content/uploads/2024/06/FotoJetcoverpanchgani.webp)
येथे राहण्याजेवणाच्या चांगल्या सोयी आहेत. पूर्वी ज्वालामुखीच्या उद्रेकाने ज्वाला रस बाहेर येऊन हे डोंगर तयार झाले असावे.असे मानले जाते पाच डोंगराच्या समूहावर हे ठिकाण विकसित झालेलं असल्याने त्यास पाचगणी नाव पडले असावे.
![](https://livemarathi.in/wp-content/uploads/2024/06/unnamed-1.jpg)
लोणावळा-खंडाळा ही ठिकाणं जशी एकमेकांपासून जवळ आहेत तसाच प्रकार महाबळेश्वर-पाचगणी यांच्या बाबतीत आहे. उत्कृष्ट हवामान आणि संपन्न निसर्ग हे पाचगणीचं स्वतःचं असं वैशिष्ट्य आहे.
![](https://livemarathi.in/wp-content/uploads/2024/06/panchgani-india-waterfall-lingmala-waterfall.jpg)
खोल दऱ्या, धबधबे, कमलगड, टेबल लॅंड, किडीज पार्क, पाचगणीच्या गुंफा ही काही प्रसिद्ध व पाहण्यासारखी प्रेक्षणीय स्थळं आहेत. येथील टेबल लॅंड वर अनेक चित्रपटांचं चित्रीकरण झालेलं आहे.
![](https://livemarathi.in/wp-content/uploads/2024/06/20220824_103638-1024x461.webp)
ह्या ठिकाणी येण्यासाठी मुंबई वरून तीन मार्ग आहेत महड महाबळेश्वर मार्गे, व पुणे वाई मार्गे आणि पुणे वरून सरळ उडतरें गावातून सरळ कुडाळ पाचगणी हा रस्ता आहे.
![](https://livemarathi.in/wp-content/uploads/2024/06/Places_to_Visit_in_Panchgani__Things_to_do_in_Panchgani_Travellersofindia-scaled-1-1024x768.jpg)
पाचगणीला ब्रिटिश वसाहत काळापासूनचा समृद्ध इतिहास आहे. 1960 च्या दशकात ब्रिटीशांनी या शहराचा शोध लावला होता आणि हे ठिकाण ब्रिटिश अधिकाऱ्यांसाठी उन्हाळी राजधानी म्हणून समजले जात होते.
![](https://livemarathi.in/wp-content/uploads/2024/06/lrm-export-134359847325165.jpg)
पाचगणी हे भारतातील महाराष्ट्रातील सह्याद्रीच्या पर्वतराजीत वसलेले एक सुंदर हिल स्टेशन आहे. हे रमणीय ठिकाण हिरवाईने नटलेले असून हिरव्यागार टेकड्या, खोल दऱ्या आणि खळखळणारे धबधबे, यामुळे हे ठिकाण निसर्गप्रेमींसाठी आदर्श आहे