नवी दिल्ली ( वृत्तसंस्था ) 2008 मध्ये दिल्ली येथे पत्रकार सौम्या विश्वनाथन यांची पहाटे तीनच्या सुमारास हत्या करण्यात आली होती. या प्रकरणातील संशयितांना पोलिसांनी अटक केली होती. या हत्येप्रकरणी सर्व आरोपींना न्यायालयाने दोषी घोषित कले आहे. तसेच चार संशयितांना 302 मकोका अंतर्गत दोषी ठरवले आहे.

तर एक आरोपी अजय सेठी याला 311 आणि MCOCA अंतर्गत दोषी ठरवले आहे.
साकेत न्यायालयाने संशयित आरोपी रवी कपूर, बलजीत सिंग मलिक, अमित शुक्ला, अजय कुमार यांना 302 आणि मकोका अंतर्गत दोषी ठरवले आहे. आरोपी अजय सेठी 311 आणि MCOCA अंतर्गत दोषी आढळले. न्यायालयाने शिक्षेसाठी 26 ऑक्टोबरची तारीख निश्चित केली आहे.

रवी कपूर, अमित शुक्ला, अजय कुमार आणि बलजीत मलिक यांनी लुटण्याच्या उद्देशाने सौम्याची हत्या केल्याचे न्यायालयाच्या निदर्शनास आले. दरम्यान, अजय सेठीने गुन्ह्यात वापरलेले वाहन स्वतःकडे ठेवले होते. संस्थेला मदत केली आणि संघटित गुन्हेगारीतून मिळवलेली मालमत्ताही ताब्यात घेतली. न्यायालयाने त्याला IPC च्या कलम 311 आणि MCOCA च्या कलम 3(2) आणि 3(5) अंतर्गत दोषी ठरवले आहे.

न्यायमूर्ती म्हणाले की, फिर्यादीने संदेशापलीकडे आरोपीचा अपराध सिद्ध केला. 30 सप्टेंबर 2008 रोजी राजधानी दिल्लीत विश्वनाथन यांची हत्या करण्यात आली होती. एका टीव्ही चॅनलमध्ये काम करणाऱ्या विश्वनाथन पहाटे साडेतीन वाजता ऑफिसमधून घरी परतत होत्या. दरम्यान त्यांचा खून झाला होता. तपासाअंती पोलिसांनी हत्येमागे दरोड्याचा हेतू असल्याचे स्पष्ट केले. तसेच सर्व आ मार्च 2009 पासून तुरुंगात आहेत.