कुरुंदवाड (प्रतिनिधी) : कुरुंदवाडमधील एका महाविद्यालयाच्या गेटसमोर उघड्यावर गांजाचे सेवन करताना दोघांना तर विक्री करताना एकाला असे तिघांना कुरुंदवाड पोलिसांनी अटक केलीय. अमन शफी अत्तार (वय २४) आणि साद महेनुद्दीन बागवान (वय २३, दोघे रा. कुरुंदवाड) यांना गांजा सेवन करताना अटक केलीय. तर तरबेज शेख (रा.मिरज) याला गांजा विक्री करताना अटक केलीय.
ही कारवाई कुरुंदवाड पोलिस ठाण्याचे सहायक पोलिस निरीक्षक रविराज फडणीस यांच्या पथकाने केली. यावेळी पोलीसांनी आरोपींकडून गांजा सेवन करण्याचे साहीत्य जप्त केले. या पथकात पोलिस हेड कॉन्स्टेबल विवेक कराडे, सागर खाडे, फारुख जमादार यांचा समावेश होता.
