पॅरिस पॅरालिम्पिक 2024 मध्ये भारतीय खेळाडू उत्तम कामगिरी करत आहेत. भारताचा सुमित अंतिल याने पुरुषांच्या (F64 श्रेणी) भालाफेकमध्ये सुवर्ण पदक जिंकले. सुमितने दुसऱ्या प्रयत्नात 70.59 मीटर भालाफेक करून सुवर्णपदक जिंकले. त्याने 6 थ्रो दरम्यान दोनदा स्वतःचा विक्रम मोडला.

सोमवार (दि. 2 ) रोजी पॅरिसमध्ये झालेल्या पॅरालिम्पिकमध्ये भारताचा भालाफेकपटू सुमित अंतिलने सुवर्ण पदक जिंकून स्वतःचाच विक्रम मोडला. त्यांने केलेला 70.59 मीटरचा हा थ्रो त्याचा पॅरालिम्पिक खेळाच्या इतिहासातील सर्वोत्तम थ्रो ठरला आहे. सुमितने टोकियो पॅरालिम्पिकमध्येही सुवर्ण पदक जिंकले होते.

भारताने तीन सुवर्ण, पाच रौप्य आणि सात कांस्यपदके जिंकली आहेत. सध्याच्या पॅरालिम्पिक स्पर्धेतील भारताच्या पदकांची संख्या 15 झाली आहे.