कळे ( प्रतिनिधी) : महाराष्ट्र राज्य शैक्षणिक संशोधन व प्रशिक्षण परिषद पुणे यांच्यामार्फत घेण्यात आलेल्या राज्यस्तरीय व्हिडीओ निर्मिती स्पर्धेत प्राथमिक विभागामध्ये विद्या मंदिर पोहाळवाडी शाळेचे पदवीधर अध्यापक व जिल्हा आदर्श पुरस्कार प्राप्त शिक्षक सुभाष नारकर यांचा तालुका व जिल्हा स्तरावर प्रथम क्रमांक आला.रोख बक्षीस, स्मृतिचिन्ह व प्रशस्तीपत्र देऊन त्यांचा गौरव करण्यात आला.
जिल्हा शिक्षण व प्रशिक्षण संस्थेचे प्राचार्य डॉ. राजेंद्र भोई, करवीरचे गट शिक्षणाधिकारी समरजित पाटील, वरिष्ठ अधिव्याख्याता डॉ.अंजली रसाळ, महादेव वांडरे, वैशाली पाटील, तुकाराम कुंभार, चंद्रहास हिप्परकर, राणीताई पाटील, सरिता कुदळे उपस्थित होते.
महाराष्ट्र शासनाच्या वतीने आयोजित राज्यस्तरीय या व्हिडीओ निर्मिती स्पर्धेमध्ये त्यांनी इयत्ता ३ री ते ५ वी या गटामध्ये इयत्ता ५ वी इंग्रजी विषयाचा शाळेतील विद्यार्थीनी कु.श्रेया बाजीराव भोगले या विद्यार्थीनीचा सहभाग घेऊन हा व्हिडीओ बनविला. या स्पर्धेचे मूल्यमापन आय टी तज्ज्ञ आप्पाराव पाटील व सर्जेराव पाटील यांनी केले.
