पन्हाळा (प्रतिनिधी) : पन्हाळ्याच्या पायथ्याशी असलेल्या एका शाळेत प्रेमप्रकरणातून एका 17 वर्षीय विद्यार्थ्याने शाळेतच गळफास घेऊन आत्महत्या केल्याचा धक्कादायक प्रकार आज (शुक्रवार) उघडकीस आला आहे. या विद्यार्थ्याने नुकतेच चार दिवसांपूर्वी या शाळेत प्रवेश घेतला होता. त्याने सुसाईड नोट लिहित शाळेतच गळफास घेवून आत्महत्या केली.
मिळालेल्या अधिक माहितीनुसार, हा विद्यार्थी पाचगणी येथील एका शाळेत शिकत होता. तेथील शाळा बंद पडल्याने त्याच्या पालकांनी त्याला पन्हाळा येथील एका निवासी शाळेत प्रवेश घेतला होता. शाळेत प्रवेश घेवुन अवघे चारच दिवस झाले होते. गेले दोन दिवस तो आपल्या वहीत कांहीतरी लिहीत बसलेला असायचा, अशी माहिती समोर आलीय.
त्याच्या मृत्यूनंतर पन्हाळा पोलीसांनी ती वही ताब्यात घेतली असता त्यामध्ये त्याचे पाचगणी शाळेतील जुने मित्र आणि प्रेम प्रकरणातून आत्महत्या करीत असल्याचे लिहुन ठेवल्याचे निदर्शनास आल्याचे पोलीस निरीक्षक महेश इंगळे यांनी सांगितले. या प्रकरणाचात गुन्हा पोलीसात झाला आहे. तसेच या प्रकरणाचा अधिक तपास पोलीस करीत आहेत.
