कोल्हापूर ( प्रतिनिधी ) : 26 जानेवारी प्रजासत्ताक दिनानिमित्त दिल्लीत होणाऱ्या परेडसाठी कोल्हापुरच्या विद्यार्थ्याची निवड झाली आहे. महावीर महाविद्यालयातील 1 महाराष्ट्र बॅटरी एनसीसी युनिट मधील छात्र कॅडेट समर्थ कृष्णात पाटील यांची 26 जानेवारी रोजी कर्तव्यपथ नवी दिल्ली येथे होणाऱ्या प्रजासत्ताक दिन परेड आणि पंतप्रधान रॅलीसाठी निवड झाली आहे. कोल्हापूर या ठिकाणी चार शिबिरे आणि पुणे या ठिकाणी चार शिबिरात अत्यंत उत्कृष्ठ कामगिरीच्या जोरावर कॅडेट समर्थ पाटील यांची 26 जानेवारी प्रजासत्ताक दिन परेडसाठी निवड झाली.
कॅडेट समर्थ पाटील पन्हाळा तालुक्यातील पुनाळ या गावचा रहिवाशी असून तो महावीर महाविद्यालयात बी. एस. स्सी भाग 1 या वर्गात शिकत आहे. संस्थेचे चेअरमन ॲड. के. ए. कापसे, सचिव एम. बी गरगटे, लेफ्टनंट कर्नल एम. मुठांना, माजी प्राचार्य आर. पी लोखंडे, प्र. प्राचार्या डॉ. उषा पाटील, कॅप्टन उमेश वांगदरे, सुभेदार मेजर शिवा बालक, हवालदार डि. के. राव, हवालदर योगराज, हवालदार सरोज, हवालदार रमन्ना याचें मार्गदर्शन लाभले.