शाहूवाडी (प्रतिनिधी) : पन्हाळा – शाहूवाडी पत्रकार संघाच्या अध्यक्षपदी नितीन पाटील तर उपाध्यक्षपदी दत्तात्रय बोबडे यांची बिनविरोध निवड करण्यात आली. निवड सभेच्या अध्यक्षस्थानी विद्यमान अध्यक्ष कृष्णात जाधव होते.
यावेळी 2025 – 26 वर्षाकरिता पत्रकार संघाच्या कार्यकारीणी निवडीसाठी बोरपाडळे येथील सुरभी सांस्कृतिक सभागृहात सभा बोलवण्यात आली होती. या सभेत नितीन पाटील यांची अध्यक्षपदी तर उपाध्यक्षपदी दत्तात्रय बोबडे यांची एकमताने निवड करण्यात आली. तर सचिवपदी भीमराव पाटील आणि कोषाध्यक्षपदी सदाभाऊ सोळसे यांची निवड करण्यात आली.
यावेळी मावळचे उपाध्यक्ष शरद जाधव, अनिल मोरे, श्रीकांत कुंभार, उत्तम महाडीक, कृष्णात हिरवे, दिनकर पाटील, संजय पाटील, प्रभाकर पाटील आदी उपस्थित होते.
