कोल्हापूर (प्रतिनिधी) : येत्या 3 ऑक्टोबरपासून नवरात्रौत्सवाला प्रारंभ होणार असून नवरात्रौत्सवाच्या पहिल्याच दिवशी कर्मफल देणारे शनिदेव आपले नक्षत्र बदलणार आहेत. शनिदेवाच्या नक्षत्रातील राशींवरती नक्कीच काही ना काही बदल होत असतो.

ज्योतिषशास्त्रात एकूण राशींची संख्या 12, ग्रहांची संख्या 9 आणि नक्षत्रांची संख्या 27 आहे. सर्व नक्षत्रांचा स्वतःचा शासक ग्रह असतो. अशा स्थितीत शनिदेव ज्या नक्षत्रात प्रवेश करणार आहेत त्या नक्षत्राचा अधिपती ग्रह राहु आहे. अर्थातच शनिदेव राहूच्या नक्षत्रात प्रवेश करतील. गुरूवारी 3 ऑक्टोबर रोजी दुपारी 12:10 वाजता शनिदेव शतभिषा नक्षत्रात प्रवेश करतील.

शनिच्या बदलाचा ‘या’ राशींना होणार फायदा ..?

मेष :

वैदिक ज्योतिषशास्त्रानुसार, मेष राशीच्या लोकांसाठी शनीचा नक्षत्र बदल अनुकूल ठरू शकतो. व्यवसाय करण्याचा विचार करणाऱ्यांसाठी हा काळ अतिशय शुभ मानला जाऊ शकतो. व्यवसायात लाभ होऊ शकतो. आर्थिक स्थिती सुधारेल. कार्यक्षेत्रात विस्तार होईल. जे लोक विवाहित आहेत त्यांच्या आयुष्यात आनंदी राहतील. वैवाहिक जीवन आनंदाने व शांततेने व्यतीत कराल.

तूळ :

तूळ राशीच्या लोकांसाठी शनिचे संक्रमण शुभ असू शकते. शनि महाराजांच्या कृपेने व्यवसायात दुप्पट फायदा होऊ शकतो. जे लोक व्यापारी आहेत त्यांना त्यांच्या व्यवसायाच्या संदर्भात दूरवर म्हणजे परदेशात जावे लागेल. हा प्रवास शुभ सिद्ध होईल. प्रवासादरम्यान एखाद्या नवीन व्यावसायिकाशी तुमची भेट होऊ शकते. ही बैठक भविष्यासाठी चांगली असेल. न्यायालयाशी संबंधित प्रकरणे तुमच्या बाजूने असू शकतात. रखडलेली कामे पूर्ण होऊ शकतात.

कुंभ :

नवरात्रीच्या काळात शतभिषा नक्षत्रात शनीचा प्रवेश खूप शुभ ठरू शकतो. या काळात तुमच्या मनातील सर्व इच्छा पूर्ण होण्याची शक्यता आहे. संपूर्ण कुटुंबासह धार्मिक सहलीचे नियोजन करू शकता. हा प्रवास खूप शुभ आणि लाभदायक ठरू शकतो. कुटुंबात आनंदाचे वातावरण राहील. वडिलोपार्जित मालमत्तेतून आर्थिक लाभ होईल.