मुंबई : नीलम शिर्के या आघाडीच्या अभिनेत्री म्हणुन ओळखल्या जातात. त्यांनी वादळवाट,असंभव सारख्या मालिका तसेच ‘पछाडलेला’ सारख्या सिनेमांमधून घराघरात पोहोचलेल्या अभिनेत्री एक नाव म्हणजे नीलम शिर्के होय. नीलम शिर्के सध्या अभिनय क्षेत्रातुन पूर्णपणेच लांब आहेत. नीलम शिर्के या आमदार उदय सामंत यांच्या पत्नी आहेत. नीलम शिर्के किंवा उदय सामंत त्यांच्या खासगी आयुष्याबद्दल फार कमी बोलतात. नीलम शिर्के यांनी स्वतःच प्रोडक्शन हाऊस सुरु केलं असून त्या मार्फत काम सुरु असल्याचं सांगितलं.
तर नीलम शिर्के यांनी लक्ष्मीकांत बेर्डेंचा ‘तो’किस्सा सांगितला. तर पछाडलेल्या सिनेमामधून लक्ष्या मामां सोबत छान नातं तयार झाले होते. ते सीनियर जरी असले तरी आम्हाला चाचपडून बघायचे की,आम्ही चांगले आर्टिस्ट आहेत की नाही. त्यानंतर आम्ही नाटकातही एकत्र काम केलं. ‘मी बबन प्रामाणिक’ असं या नाटकाचं नाव होतं. या नाटकात लक्ष्मीकांत, प्रसाद ओक आणि सगळी टीम होती. यावेळी लक्ष्मीकांत त्या टीमला मार्गदर्शन करायचे. कुठे उभं राहावं, कसा आवाजफेक असावा याबाबत ते सांगायचं, असं नीलम शिर्के सांगत होत्या.
एक दिवस रिहर्सलला लक्ष्यामामा आले आणि मी थोडा आराम करतो असं म्हणाले. पुढे, मला बरं वाटत नाही तासभर रिहर्सल करुन ते कुमार सोहोनींना सांगून आराम करायला गेले. दुसऱ्या दिवशीही आले आणि कुमार सोहोनींना खालूनच फोन लावला. मी जरा चेकअप करून येतो. मला कालपासून बरं वाटत नाही. पण लक्ष्या मामा त्यानंतर चेकअप करायला गेले पण त्यानंतर ते आम्हाला कधीच भेटले नाही. लक्ष्या मामांसोबतचा तो शेवटचा क्षण होता, याची कल्पना आम्हाला नसल्याच नीलम शिर्के यांनी सांगितले.
