मुंबई : भारतीय चित्रपटसृष्टीचा हा चित्रपट अकादमी पुरस्कारांसाठी निवडला जाईल अशी अपेक्षा होती पण काही कारणाने हा चित्रपट आंतरराष्ट्रीय फीचर फिल्म श्रेणीत स्थान मिळवण्यात यशस्वी झाला. पण ऑस्कर 2025 मध्ये आमिर खान आणि किरण राव यांनी निर्मिती केलेला ‘लापता लेडीज’ या चित्रपटाकडून भारताला खूप अपेक्षा होत्या. पण हा चित्रपट ऑस्करच्या शर्यतीतून बाहेर पडला आहे. पण भारताच्या आशा अजून संपलेल्या नाहीत. कारण यावेळी आणखी दोन भारतीय चित्रपट ऑस्करच्या शर्यतीमध्ये आहेत.
एकीकडे आमिर खान आणि किरण राव यांच्या चित्रपटाने ऑस्करमध्ये निराशा केली आहे. तर दुसरीकडे शॉर्ट फिल्म कॅटेगरीमध्ये भारताचे नाव चमकताना दिसत आहे. UK मधून शॉर्टलिस्ट केलेला ‘संतोष’ हा चित्रपट भारताच्या कथेवर आधारित असला तरी तो ब्रिटनचे प्रतिनिधित्व करणारा चित्रपट म्हणून ऑस्करपर्यंत पोहोचला आहे. ‘संतोष’ चित्रपटात शहाना गोस्वामी मुख्य भूमिकेत दिसत आहे. हा चित्रपट ब्रिटिश-भारतीय चित्रपट निर्मात्या संध्या सुरी यांनी दिग्दर्शित केला आहे.
चित्रपट शॉर्टलिस्ट झाल्यानंतर शहाना गोस्वामीने इंस्टाग्रामवर आनंद व्यक्त केला आणि सांगितले की, ’85 चित्रपटांपैकी आमचा चित्रपट ऑस्करसाठी शॉर्टलिस्ट झाला ही अभिमानाची गोष्ट आहे.’ याशिवाय ‘अनुजा’ या भारतीय लघुपटानेही यंदाच्या ऑस्करच्या लघुपट श्रेणीत स्थान मिळवले आहे. आता ‘संतोष’ आणि ‘अनुजा’ मधला कोणता चित्रपट ऑस्कर ट्रॉफी जिंकण्यात यशस्वी ठरणार हे पाहणे उत्सुकतेचे ठरणार आहे. एकीकडे ‘संतोष’ची टीम आनंदाने उड्या मारत असताना, दुसरीकडे ‘अनुजा’च्या निर्मात्यांनाही त्यांच्या कामाचे जगभरात कौतुक होईल अशी आशा आहे.