मुंबई : अभिनेत्री राणी मुखर्जी ही आघाडीची अभिनेत्री आहे. तर राणी मुखर्जीने मध्यंतरी तिने ब्रेक घेतला होता. पण पुन्हा एकदा मर्दानीच्या भूमिकेत मोठ्या पडद्यावर पुनरागमन करत आहे. ती पुन्हा एकदा खाकी वर्दी परिधान करताना दिसणार आहे. ‘मर्दानी’चा तिसरा भाग आज जाहीर करण्यात आलेला आहे. या चित्रपटाचे दिग्दर्शन अभिराज मीनावाला करणार आहेत. राणी मुखर्जीचा पती आदित्य चोप्रा यशराज फिल्म्सच्या बॅनरखाली या चित्रपटाची निर्मिती करणार आहेत.

यशराज फिल्म्सच्या इन्स्टाग्राम पेजवरून चित्रपटाची घोषणा करण्यात आली आहे. यामध्ये चित्रपटाच्या प्रदर्शनाच्या तारखेबाबत एक इशाराही देण्यात आला आहे. हा चित्रपट 2026 मध्ये थिएटरमध्ये दाखल होणार आहे. कॅप्शनमध्ये लिहिले आहे, ‘अखेर प्रतीक्षा संपली! राणी मुखर्जी पुन्हा एकदा ‘मर्दानी 3′ मध्ये शिवानी शिवाजी रॉयच्या भूमिकेत परतत आहे.’ असे लिहून हा चित्रपट लवकरच येणार असल्याचं जाहीर केलं आहे.

या बातमीने चाहते खुश झाले आहेत. मर्दानी चित्रपटाने बॉक्स ऑफिसवर 35.82 कोटी रुपयांचे लाइफ टाईम कलेक्शन केले होते. तर मर्दानी 2 ने 47.57 कोटींची कमाई केली होती. राणीच्या अभिनयाने प्रेक्षकांची मने जिंकली आहेत. आता अभिनेत्री लवकरच मोठ्या पडद्यावर परतणार आहे. अभिनेत्रीच्या ‘मर्दानी 3’ ची चाहते आतुरतेने वाट पाहत आहेत.