कोल्हापूर (प्रतिनिधी) : आज धनत्रयोदशी दिवाळीची या सणाने सुरूवात होते.या सणाला धनतेरस म्हणतात.आज धनतेरस असून आजच्या दिवशी लोक आरोग्य आणि संपत्तीचे देवता भगवान धन्वंतरी म्हणजेच कुबेर भगवंतांची पूजा केली जाते.तसेच आजच्या दिवशी चांदी-सोन्याचे दागिने,भांडी आणि झाडू खरेदी करणे शुभ मानले जाते.

आज आपण या सणानिमित्त भगवान कुबेराच्या एका खास अशा मंदिराबद्दल माहिती जाणुन घेणार आहे.तर भगवान कुबेराचे हे मंदिर मंदसौर म्हणजे मध्य प्रदेशातील खिलचीपुरा येथे आहे.या मंदिरात कुबेराची भगवान शंकर आणि माता पार्वतीसोबत पूजा केली जाते.या मंदिराला हिंदू धर्मात विशेष स्थान दिले गेले आहे.आजच्या दिवशी म्हणजेच धनत्रयोदशीच्या दिवशी,पहाटे चार वाजता येथे तंत्रपूजन करण्याची परंपरा आहे.या विशेष तंत्रपूजेनंतर भाविक मंदिरात दर्शनासाठी जातात.असे मानले जाते की या पूजेने भक्तांच्या सर्व मनोकामना पूर्ण होतात.

पौराणिक कथेनुसार असे म्हटले जाते की,या मंदिरात स्थापित भगवान कुबेराची मूर्ती आहे.ही मूर्ती सुमारे 1300 वर्षे जुनी आहे.ही मूर्ती खिलजी साम्राज्यापूर्वीची आहे.विशेष म्हणजे, या मंदिराच्या गर्भगृहाला कधीच कुलूप लावले जात नाही.तर या मंदिराचे बांधकाम करण्यात आल्यानंतर सुरूवातीला या मंदिराच्या गर्भगृहाला दरवाजेही नव्हते.कुबेराच्या मूर्ती चतुर्भुज स्वरूपात आहे.एका हातात पैशांचे बंडल, दुसऱ्या हातात शस्त्र,आणि एका हातात पाण्याचा गडू.याशिवाय भगवान कुबेर मुंगूसावर स्वार आहेत.ही मूर्ती भगवान कुबेराच्या अनोख्या रूपाचे दर्शन देते.