कोल्हापूर ( प्रतिनिधी ) – स्वर्गीय आमदार पी. एन. पाटील यांचं काल वयाच्या ७१ व्या वर्षी निधन झाले. त्यानंतर जिल्ह्यात शोककळा पसरली आहे. स्वर्गीय आमदार पी. एन. पाटील हे हॉस्पिटलमध्ये ऍडमिट झाल्याची माहिती कळताच तातडीने परदेशातून परतीच्या प्रवासाला निघालेले आ.सतेज ( बंटी) पाटील ३० तासांचा सलग प्रवास करून आज कोल्हापूरात पोहोचले.
पहाटे ३ वाजता मुंबईमध्ये पोहोचताच ते लगेच कोल्हापूरला यायला निघाले आणि थेट सडोली खालसा येथे पी.एन .पाटील साहेब यांच्या रक्षाविसर्जनासाठी उपस्थित राहिले. राहुल पाटील आणि राजेश पाटील यांना आलिंगन देऊन सांत्वन करताना आ. सतेज पाटील यांना आपले अश्रू अनावर झाले.
