मुंबई : कतरिना कैफ ही मूळ भारतीय असलेली ब्रिटिश अभिनेत्री हिंदी म्हणुन चित्रपटामध्ये काम करते. हिंदीसह तिने तेलुगू तसेच मल्याळी चित्रपटांमध्ये देखील कामे केलेली आहेत. कतरिना कैफ ही हॉंगकॉंगमध्ये जन्मलेली ब्रिटिश नागरिक आहे. ती भारतामध्ये कामगार परवाना वापरून काम करते. कतरिनाचा चाहता वर्ग खुप मोठा आहे. तिचे अनेक चित्रपट हिट देखील आहेत. कतरिनाने 9 डिसेंबर 2021 रोजी विकी कौशलशी लग्न केले. नुकताच या दोघांनी लग्नाचा तिसरा वाढदिवस साजरा केला.
लग्नाच्या तिसऱ्या वाढदिवसा नंतर अभिनेत्री कतरिना कैफ सोमवारी शिर्डीतील साईबाबांच्या दर्शनाला आली होती. यावेळी तिच्यासोबत तिची सासू आणि विकी कौशलची आई वीणा कौशलसुद्धा देखील होत्या. कतरिना आणि तिच्या सासूचे फोटो सोशल मीडियावर व्हायरल होताना दिसत आहेत. शिर्डीतील साईबाबांच्या मंदिरात कतरिना आणि विकी कौशलची आई वीणा कौशल नतमस्तक झाल्याचे पाहायला मिळाले. यावेळी कतरिनाने पांढऱ्या रंगाचा ड्रेस परिधान केला होता. शिर्डी साईबाबांसमोर कतरिनाने हात जोडले आणि मनोभावे प्रार्थना केली. याचे फोटो सोशल मिडियावर व्हायरल होत आहेत.
हे फोटो व्हायरल होताच त्यावर नेटकऱ्यांनी प्रतिक्रिया देण्यास सुरुवात केली. ‘कतरिना कदाचित बाळासाठी प्रार्थना करत असेल’, असं एकाने लिहिलं. तर ‘आई होण्यासाठी कतरिना विशेष प्रार्थना करत असेल’, असं दुसऱ्याने म्हटलंय. शिर्डीत साई बाबांच्या दर्शनानंतर कतरिना आणि तिची सासू जेव्हा मुंबईत परतल्या, तेव्हा एअरपोर्टवरील एका व्हिडीओनेही नेटकऱ्यांचे लक्ष वेधले आहे. या व्हिडीओमध्ये कतरिना तिच्या सासूला मिठी मारताना आणि त्यांच्या कपाळावर किस करताना दिसली. कतरिना आणि तिच्या सासूला याआधीही अनेकदा एकत्र पाहिले गेले होते. ज्याप्रकारे ती तिच्या सासूची काळजी घेताना दिसते, ते पाहून नेटकरी तिचं खूप कौतुक करत आहेत.
