कोल्हापूर (प्रतिनिधी) : भारतीय सैन्यदल नौदल आणि वायुदलामध्ये अधिकारी पदावर भरती होण्यासाठी पात्र उमेदवारांना सर्व्हिस सिलेक्शन बोर्ड SSB परीक्षेची पूर्व तयारी करुन घेण्यासाठी छात्रपूर्व प्रशिक्षण केंद्र,नाशिक रोड,नाशिक येथे महाराष्ट्र शासनातर्फे महाराष्ट्रातील नवयुवक आणि नवयुवतींसाठी दि. 30 डिसेंबर 2024 ते 8 जानेवारी 2025 या कालावधीत सर्व्हिस सिलेक्शन बोर्ड SSB कोर्स क्र. 60 आयोजित करण्यात येत आहे. कोर्स कालावधीत प्रशिक्षणार्थीना निःशुल्क प्रशिक्षण निवास आणि भोजन दिले जाते.
जिल्ह्यातील इच्छुक उमेदवारांनी सैन्य दलातील अधिकारी पदाची संधी उपभोगण्यासाठी जिल्हा सैनिक कल्याण कार्यालय कोल्हापूर येथे दि. 23 डिसेंबर 2024 रोजी मुलाखतीस हजर रहावे असे आवाहन जिल्हा सैनिक कल्याण अधिकारी ले.कर्नल निवृत्त डॉ. भिमसेन चवदार यांनी केले आहे. मुलाखतीस येताना उमेदवारांनी डिपार्टमेंट ऑफ सैनिक वेल्फेअर पुणे DSW यांच्या संकेतस्थळावर सर्च करुन त्यामधील SSB कोर्स क्र.60 कोर्ससाठी किंवा संबंधित जिल्हा सैनिक कल्याण कार्यालयाने प्रिंट दिलेल्या प्रवेशपत्र आणि त्यासोबत असलेली परिशिष्टांची प्रिंट घेऊन आणि ते पूर्ण भरुन सोबत घेऊन यावे.
कंम्बाईंड डिफेन्स सर्व्हीसेस एक्झामिनेशन CDSE-UPSC अथवा नॅशनल डिफेंस ॲकॅडमी एक्झामिनेशन NDA-UPSC पास झालेली असावी आणि त्यासाठी सर्व्हिसेस सिलेक्शन बोर्ड मुलाखतीसाठी पात्र झालेले असावे.एनसीसी ‘C’ सर्टिफिकेट ‘A’ किंवा ‘B’ ग्रेडमध्ये पास झालेले असावेत आणि एनसीसी ग्रुप हेडक्वार्टरने एसएसबी साठी शिफारस केलेली असावी.
टेक्नीकल ग्रॅज्युएट कोर्ससाठी एस. एस. बी. मुलाखतीसाठी कॉल लेटर असावे.विद्यापीठ प्रवेश प्रणाली University Entry Scheme साठी एसएसबी कॉल लेटर असावे किंवा एस.एस.बी साठी शिफारस केलेल्या यादीत नाव असावे.अधिक माहीतीसाठी प्रभारी अधिकारी छात्रपूर्व प्रशिक्षण केंद्र नाशिक रोड नाशिक यांचा ईमेल आय डी : training.petenashik@gmail.com आणि दुरध्वनी क्र. 0253-2451032 किंवा व्हाट्ॲप क्र. 9156073306 वर कार्यालयीन वेळेत प्रत्यक्ष अथवा दूरध्वनीवर संपर्क करावा असे आवाहनही डॉ.चवदार यांनी केले आहे.
