कळे (प्रतिनिधी) : महत्वाची कागदपत्रे असलेले पाकीट प्रामाणिकपणे परत करून समाजात अजूनही प्रामाणिकपणा टिकून असल्याचे उदाहरण मोरेवाडी ( ता.पन्हाळा ) येथे पाहावयास मिळाले.
मोरेवाडी ( ता.पन्हाळा ) येथील सुभाष गणपती पाटील हे सावर्डे येथे कामानिमित्त येत असताना त्यांना मल्हारपेठ – सांगरूळ मार्गावरती मोरेवाडीजवळ रस्त्यावरती हरवलेले पाकीट सापडले.
पाटील यांनी पाकीट पाहीले असता काही महत्वाची कागदपत्रे त्यांच्या निदर्शनास आली. त्यांनी संबंधित मालकाशी फोनद्वारे संपर्क साधून पाकीट सापडल्याचे सांगितले. ते पाकीट सुरज केशव कांबळे ( रा. तांदूळवाडी, ता.पन्हाळा ) यांचे होते. कांबळे हे कामावरती जात असताना त्यांचे पाकीट हरवले होते. त्यांनी येऊन पाकीट ताब्यात घेतले आणि पाटील यांचे आभार मानले.
