कोल्हापूर – गडहिंग्लज तालुक्यातील शेंद्री येथील सदाशिव बाबू फेगडे (वय 42) यांचा शुक्रवार ( दि.13) रोजी दुपारी साडेतीनच्या सुमारास अपघात झाला होता. हा अपघात औरनाळ फाटा येथे झाला. अपघातात गंभीर जखमी झाल्याने त्यांना त्यांच्या नातेवाईकांनी उपचारासाठी बेशुध्दावस्थेत सीपीआर रुग्णालयात दाखल केले. त्यांचा उपचारापूर्वी साडे नऊच्या सुमारास मृत्यु झाला. या घटनेची नोंद सीपीआर पोलीस चौकीत झाली आहे. त्यांच्या पश्च्यात आई वडील,पत्नी व दोन मुले आहेत.
सदाशिव फ़ेगडे रिक्षा चालक असून ते संकेश्वरहून गडहिंग्लजच्या दिशेने जात होते. त्याच वेळेस गोव्याहून कर्नाटकच्या दिशेने जात असलेली होंडा कार याची रिक्षेला जोराची धडक बसून हा अपघात झाला. या घटनेची माहिती गडहिंग्लज पोलिसांना समजताच पोलिसांनी घटना येऊन पंचनामा केला. अपघातातील कारसह कारचालकाला पोलीसांनी ताब्यात घेतल्याची माहिती मिळाली आहे.
