मुंबई – केंद्रीय निवडणूक आयोगाने महाराष्ट्राची विधानसभा निवडणूक जाहीर केली आहे. येत्या 20 नोव्हेंबर रोजी मतदान तर 23 नोव्हेंबर रोजी निकाल हाती येणार आहे. महायुतीसह महाविकास आघाडीमधील उमेदवारांची यादी आता कोणत्याही क्षणी जाहीर होणार आहे.
उमेदवारांची नावांची संभाव्य चर्चा रंगली असली तरी सोशल मीडियावर मात्र खोटी उमेदवार यादी पसरत आहे. या यादीमध्ये 15 उमेदवारांची नाव जाहीर करण्यात आली असून यामध्ये महाराष्ट्र कॉंग्रेसमधील सर्व महत्त्वाचे नेत्यांची नावं आहेत. त्याचबरोबर कॉंग्रेसचा शिक्का असून जनरल सेक्रेटरी के. सी. वेनुगोपाल यांची सही देखील आहे.
महाराष्ट्र कॉंग्रेसने सोशल मीडियावर व्हायरल झालेली यादीचा फोटो त्यांच्या अधिकृत पेजवर शेअर केला आहे. हे शेअर करताना कॉंग्रेसने लिहिले आहे की, ‘भारतीय राष्ट्रीय कॉंग्रेस पक्षाने अजून महाराष्ट्र विधानसभा निवडणूक 2024 साठी उमेदवारांची कोणतीही यादी अधिकृतरीत्या जाहीर केलेली नाही. त्यामुळे कुठल्याही अफवांवर विश्वास ठेऊ नका.लवकरच योग्य त्या माध्यमांद्वारे आम्ही ती यादी जाहीर करू.’
