कोल्हापूर (प्रतिनिधी ) – सध्या जिल्ह्यात विधानसभा निवडणुकीची रणधुमाळी सुरू आहे. निवडणुकीच्या पार्श्वभूमीवर उमेदवारांचे प्रचार दौरे, सभा, मेळावे, पदयात्रा सुरू आहेत. याच दरम्यान निवडणुकीच्या प्रचारार्थ चंद्रदीप नरके यांनी विविध गावांना भेट दिली.
चंद्रदीप नरके यांनी आज वाळोली, पोहाळवाडी, पोहाळे, साळवाडी, वारनूळ, वाळवेकरवाडी, काटेभोगाव, कुंभारवाडी या ठिकाणी संपर्क दौरा केला. या दौऱ्यानिमित्त ग्रामस्थांशी संवाद साधला. महायुती सरकारच्या समाजातील प्रत्येक घटकासाठीच्या योजनांमुळे सर्वत्र प्रचंड सकारात्मक वातावरणात हा दौरा पार पडला. यावेळी माता-भगिनींचा देखील उत्स्फूर्त प्रतिसाद मिळाला.
यावेळी महायुतीचे पदाधिकारी, विविध सामाजिक, राजकीय, सहकारी संस्थांचे आजी-माजी पदाधिकारी आणि ग्रामस्थ मोठ्या संख्येने उपस्थित होते.
