मुंबई : सध्या लग्नसराई सुरु झाली आहे. तर एकामागे एक सेलिब्रिटी लोग हे लग्न बंधनात अडकत आहेत. तर सोशल मीडियावर त्यांचे फोटो आणि व्हिडीओ देखील बघायला मिळत आहेत. सगळ्यात आधी नागा चैतन्य-शोभिता धूलिपाला हे लग्न बंधनात अडकले आणि त्यानंतर अनुराग कश्यपची लेक लग्न बंधनात अडकली आहेत. तर आता दाक्षिणात्य अभिनेत्री कीर्ती सुरेश ही देखील लग्न बंधनात अडकली आहे. तिने तिच्या लग्नाचे फोटो सोशल मीडियावर शेअर केले आहेत.

आज 12 डिसेंबर रोजी गोव्यात कीर्ती सुरेशने लॉन्ग टाइम बॉयफ्रेंड अ‍ॅन्थनी थॅटिलसोबत सप्तपदी घेतल्या आहेत. कीर्तीने तिच्या लग्नाचे फोटो तिच्या इन्स्टाग्राम अकाऊंटवर शेअर केले आहेत. त्या दोघांनी पारंपारिक पद्धतीनं लग्न केले आहे. एका फोटोत अ‍ॅन्थनीने कीर्तीना मंगळसूत्र घातले त्यानंतर तिचे आनंद अश्रू पाहायला मिळाले. त्यानंतरच्या फोटोत कीर्ती ही मंगळसूत्र घातल्यानंतर अ‍ॅन्थनीला मिठी मारून भावूक झाल्याचे पाहायला मिळाले आहेत.

कीर्ती सुरेश ही पारंपारिक वेषात सुंदर दिसत आहे. अनेक सेलिब्रिटींनी कीर्ती सुरेशला लग्नाच्या शुभेच्छा दिल्या आहेत. तर कीर्ती आणि अ‍ॅन्थनी हे गेल्या 15 वर्षांपासून एकमेकांना डेट करत आहेत. तर 27 नोव्हेंबर रोजी कीर्तीनं एक पोस्ट शेअर करत अ‍ॅन्थनीसोबतचं नातं कन्फर्म केलं होतं. ही पोस्ट शेअर करत तिनं कॅप्शन दिलं होतं की 15 वर्ष झाली आणि आजही हा प्रवास सुरु आहे.नेहमीच अ‍ॅन्थनी आणि कीर्ती हे सोबत होते.